hello Pals!
Paling na ang balikat ng magtataho
Puro alipunga na ang daliri sa paa ng labandera
Nangangalay na ang bewang ng magsasaka
Nanghihina na ang bisig ng panday
Wala ng lakas ang kamao ng boksingero
Hindi na maiangat ng karpintero ang martilyo
Malabo na ang mga mata ng mananahi
Mahina na sa pagsusuma at pagkikilo ang tindera
Pasmado na ang plantsadora
Hindi na nakakarinig ng busina ang drayber
Mainit na ang kamay ng hardinero
Nanghihina na ang katawan ng pahinante
Napagkakatulog na ang guwardiyang pang-gabi
Nakasimangot na ang payaso
Mabaho na ang magsasampagita
Napipi na ang diyarista at yosi boy
Malilimutin na ang kartero
Nandidiri na ang basurero
Puro paso at lapnos na ang bumbero
May nginig na ang kamay ng barbero
Color blind na ang manikurista
Hindi na palaayos ang panadero
Takot na sa tubig ang mangingisda
Pagod na ang kutsero
Matatakutin na ang sepulturero
Patay na ang ahente ng punerarya
Wala nang masabi ang tagapag-balita
Bungal na ang dentista
Masasakitin na ang doktor
Nalulula na sa ere ang piloto
Takot ng pumalaot ang kapitan ng barko
Naduduwag na ang pulis at sundalo
Mababait na ang pulitiko
Hindi na sanay magsinungaling ang abogado
Kinakabahan na ang komadrona
Mahina na ang I.Q. ng guro
Naiilang na sa harap ng kamera ang artista

May sore throat na ang giraffe
Bingi na ang elepante
Tamad na ang langgam
Malat na ang aso
Lumpo na ang pangarerang kabayo
Pipi na ang loro
Baldado na ang alupihan
May arthritis na ang alimango
Payat na ang baboy
Gusto na ng liwanag ang paniki
Wala ng panghihinayang ang mga butiki
Matatalino na ang biya
Nalulunod na ang mga isda
Tahimik na sa gabi ang kuliglig at palaka
Sawa na panghuhuli ng daga ang pusa

Ngunit di pa rin kita nakikilala
Nasaan ka ba?
Kailan kita makikita
Please, magparamdam ka . . .

Thanks for visiting my site! This is where I'm keeping all my stuff from now on, so come back whenever you want to see what's new. Feel free to post a reply if you see something you like or just want to get in touch.